La taulpe aveugle en terre ha son manoir.
Noire en couleur comme une meure mœure,
Car son poil doulx ressemble un veloux noir.
Jamais en air descouvert ne demeure,
Et si elle y est, il convient qu'elle meure.
Rien que de terre amasser ne luy chault,
Craignant n'avoir ce qu'à nul ne default :
Pource, avant mort, toute vive s'enterre,
Les yeulx n'ha point ouvers pour voir plus hault.
Bien aveugle est, qui ne quiert que la terre.